Ungir jafnaðarmenn telja hvalveiðar ekki vera einkamál Íslendinga og vilja að ákvarðanir um þær séu teknar í samráði og sátt við aðrar þjóðir.
Ungir jafnaðarmenn, ungliðahreyfing Samfylkingarinnar, hvetja stjórnvöld til þess að láta af hvalveiðum í atvinnuskyni þar sem slíkar veiðar muni að öllum líkindum skaða verulega ímynd Íslands á alþjóðavettvangi. Ungir jafnaðarmenn telja hvalveiðar ekki vera einkamál Íslendinga og vilja að ákvarðanir um þær séu teknar í samráði og sátt við aðrar þjóðir. Ekki er heldur öruggt enn hvort ýmsir hvalastofnar séu úr útrýmingarhættu og skaðsemi þeirra í íslenskri lögsögu er hverfandi. Ungir jafnaðarmenn telja að með hvalveiðum sé meiri hagsmunum fórnað fyrir minni.
