Aðalfundur UJR verður haldinn nk. laugardag. Meðal fundargesta verða Ingibjörg Sólrún Gísladóttir og Össur Skarphéðinsson. Fundarstjóri verður Dagur B. Eggertsson. Við minnum á aðalfund Ungra jafnaðarmanna í Reykjavík (UJR) sem haldinn verður næstkomandi laugardag, 10. mars 2007, kl. 16:00 í húsnæði Samfylkingarinnar á Halllveigarstíg 1, eins og áður hefur verið auglýst.
Fundargestir eru Ingibjörg Sólrún Gísladóttir og Össur Skarphéðinsson, oddvitar lista Samfylkingarinnar í Reykjavík til Alþingiskosninga. Fundarstjóri verður Dagur B. Eggertsson, oddviti borgarstjórnarflokks Samfylkingarinnar.
Búast má við skemmtilegum erindum og líflegum umræðum. Allir sem áhuga hafa á stjórnmálaumræðu og vilja kynna sér starf UJR eru hvattir til að mæta.
Dagskrá fundarins verður sem hér segir:
- Afhending fundargagna
- Setning aðalfundar.
- Ræða fundargesta.
- Kosning starfsmanna aðalfundar: forseta, fundarritara.
- Framlagning ársskýrslu.
- Framlagning ársreikninga.
- Lagabreytingar.
- Kosning í embætti.
- Afgreiðsla ályktana og almennar stjórnmálaumræður.
- Önnur mál.
- Fundarslit.
Stjórn hefur borist lagabreytingatillögur sem finna má á núverandi heimsíðu UJR
Allir eru hvattir til að taka daginn frá því kl.20 um kvöldið verður haldið upp á afmæli Ungliðahreyfingar Samfylkingarinnar við Túngötu 14 í Reykjavík (þar sem kanadíska sendiráðið er til húsa).
Stjórn Ungra jafnaðarmanna í Reykjavík.
