Aðalfundur UJM verður haldinn 22. feb. kl.20 í húsnæði Samfylkingarinnar að Þverholti 3. Allir sem hafa áhuga á fjörlegri, skemmtilegri og faglegri pólitískri umræðu og störfum fyrir unga jafnaðarmenn eru hjartanlega velkomnir á fundinn. Aðalfundur Ungra jafnaðarmanna í Mosfellsb verður haldinn 22. febrúar 2007 kl. 20:00 í húsnæði Samfylkingarinnar að Þverholti 3. Allir sem hafa áhuga á fjörlegri, skemmtilegri og faglegri pólitískri umræðu og störfum fyrir Unga jafnaðarmenn eru hjartanlega velkomnir á fundinn.
Frá stofnun UJM hefur félagið staðið að mörgum skemmtilegum uppákomum s.s. menningarkvöldi, tónlistarkvöldi, djammkvöldi, fjölskylduskemmtun, gefið út rit og margt fleira. Félagið hefur einnig komið sterkt inn í pólitískt starf Samfylkingarinnar í Mosfellsbæ. Samstarf og vinna með félögum Ungra jafnaðarmanna á landsvísu er að aukast.
Á fundinum verður farið yfir hefðbundin aðalfundarstörf ásamt kosningu nýrrar stjórnar. Allir þeir sem eru á aldrinum 16-35 ára eru hvattir til að mæta á fundinn. Þetta er tækifæri til þess að hafa áhrif á bæjar- og landsmál.
Fundarstjóri verður Guðmundur Steingrímsson og Katrín Júlíusdóttir verður sérstakur gestur fundarins. Allar frekari upplýsingar er hægt fá hjá formanni UJM, Óskari Inga Sigmundssyni í síma 893-4793 eða með tölvupósti oskar.ingi@sigling.is eða ujm@samfylking.is.
Stjórn Ungra jafnaðarmanna í Mosfellsbæ.
