Kjörstjórn Ungra jafnaðarmanna auglýsir eftir framboðum í þau embætti sem kosið verður um á landsþingi Ungra jafnaðarmanna og verður haldið í Reykjavík 6. og 7. október 2007. Kjörstjórn Ungra jafnaðarmanna auglýsir eftir framboðum í eftirfarandi embætti, sem kosið verður um á landsþingi Ungra jafnaðarmanna, haldið í Reykjavík 6. og 7. október 2007:
1) Formaður
2) Varaformaður
3) Níu meðstjórnendur*
4) Sex varamenn
5) Tveir endurskoðendur reikninga
6) Þrír fulltrúar í lagaskýringarnefnd
Formaður, varaformaður og níu meðstjórnendur sem sitja allir með atkvæðisrétt í framkvæmdastjórn Ungra jafnaðarmanna.
*Fyrir liggur tillaga um lagabreytingu á 12. og 21. grein laga Ungra jafnaðarmanna þar sem kosið er um níu meðstjórnendur í stað fjögra. Nýkjörin stjórn mun síðan skipta með sér embættum og kjósa sér: ritara, gjaldkera og alþjóðaritara.
Skv. heimildum kjörstjórnar í 2. mgr. 13. gr. laga Ungra jafnaðarmanna tilkynnist hér með að framboðsfrestur rennur út kl. 18.00 laugardaginn 29. september 2007.
Komi aðeins eitt framboð í hvert embætti, telst sjálfkjörið í það. Miðað er við að skrifleg atkvæðagreiðsla fari fram í öll embætti. Auglýsing um nákvæma tímasetningu og tilhögun kosninga verður birt síðar.
Afla má frekari upplýsinga í lögum Ungra jafnaðarmanna sem birt eru á Pólitik.is, eða senda kjörstjórn tölvupóst.
Framboð skulu berast Jens Sigurðssyni, formanni kjörstjórnar, skriflega á netfangið jenssigurdsson@gmail.com þar sem fram kemur nafn, kennitala, heimilisfang og í hvaða embætti sé sótt.
Gjört í Kópavogi, 14. september 2007
Jens Sigurðsson
og Arna Huld Sigurðardóttir
