Bryndís Ísfold Hlöðversdóttir hefur tilkynnt að bíður fram krafta sína fyrir Samfylkinguna í Reykjavík fyrir komandi alþingiskosningar. Bryndís Ísfold Hlöðversdóttir 29 ára verslunarkona sækist eftir 6. sæti í prófkjöri Samfylkingarinnar í Reykjavík. Hún situr nú í framkvæmdastjórn flokksins og hefur gengt fjölmörgum trúnaðarstörfum á vegum hans. Meðal annars var hún formaður jafnréttisnefndar Reykjavíkurborgar á síðasta kjörtímabili og situr nú í mannréttindanefnd. Þá var hún formaður Ungra Jafnaðarmanna í Reykjavík 2003.
Einnig sat Bryndís Ísfold í fyrsta ráðskonuráði Femínistafélags Íslands.
Bryndís Ísfold rak eigin verslun á Laugaveginum og stundar nú nám í viðskipta- og stjórnmálafræði við Háskóla Íslands.
Bryndís Ísfold leggur áherslu á nýjar leiðir í atvinnusköpun, jafnrétti og fjölskylduvænna samfélag.
Hún er gift Torfa Frans Ólafssyni framleiðslustjóra hjá CCP hf. Þau eiga soninn Konráð Bjart.
Heimasíða hennar er www.bryndisisfold.com