Aðalfundur Ungra jafnaðarmanna á Suðurlandi beinir því til framboða Samfylkingarinnar fyrir næstu sveitarstjórnarkosningar að ungt fólk verði í lykilsætum á framboðslistum flokksins. Það er mikilvægt að framboðslistarnir endurspegli viðhorf og sjónarmið ungs fólks til mótvægis við bjór og pitsu menningu annarra flokka. Ungir jafnaðarmenn á Suðurlandi héldu aðalfund sinn á fimmtudaginn í seinustu viku. Á fundinum var á eftirfarandi ályktun samþykkt
Aðalfundur Ungra jafnaðarmanna á Suðurlandi beinir því til framboða Samfylkingarinnar fyrir næstu sveitarstjórnarkosningar að ungt fólk verði í lykilsætum á framboðslistum flokksins. Það er mikilvægt að framboðslistarnir endurspegli viðhorf og sjónarmið ungs fólks til mótvægis við bjór og pitsu menningu annarra flokka.
Ungir jafnaðarmenn á Suðurlandi styðja tillögur um sameiningu sveitarfélaga. Grundvöllur sameiningar eru hinsvegar að ríkið rétti hlut sveitarfélaganna í tekjuskiptingu á milli ríkis og sveitarfélaga. Fundurinn skorar á ríkisvaldið að leiðrétta tekjuskiptinguna hið fyrsta svo að eðlilegar sameiningar geti átt sér stað sem fyrst en það er að mati fundarins mikilvægur þáttur í því að efla mannlíf á landsbyggðinni.
Í sameinuðum sveitarfélögum býr mikið afl og í hugum ungs fólks er t.d. Suðurland allt eitt svæði en markast ekki af gömlum stjórnsýslumörkum fyrri alda.
Ungir jafnaðarmenn á Suðurlandi leggja mikla áherslu á það að starfsnám framhaldsskólanna verði eflt verulega og samræmd próf í framhaldsskólum verði lögð af og hætt að nota þau. Samræmd stúdentspróf eyðileggja fjölbreytni skólanna og gera þá einsleita. Auk þess að vera vondur mælikvarði á námshæfi nemenda.
Ungir jafnaðarmenn á Suðurlandi harma það hve metnaðarlaus yfirvöld menntamála eru og skora á ráðherra menntamála að beita sér fyrir því að farið verði í verulegar fjárfestingar í menntakerfinu, á öllum stigum þess.
Menntamálin eru hornreka hjá ríkisvaldinu og hafa verið um árabil. Það er kominn tími til að snúa því við og hafinn verði sókn í menntakerfinu þannig að Íslendingar leggi sambærilegar upphæðir til þeirra og nágrannaþjóðirnar en miklu munar nú að svo sé.
