Veit einhver um stefnu Samfylkingarinnar í varnarmálum?

Nú er orðið deginum ljósara að Bandaríkjaher hyggst yfirgefa herstöðvar sínar á Miðnesheiði. Þetta eru sannkallaðar gleðifréttir í hugum flestra friðarsinna hér á landi sem beðið hafa þessa tíma í áraraðir. Við skulum þó ekki hrósa happi of snemma, því allt lítur út fyrir að stjórnvöld ætli sér að klóra duglega í bakkann; þau grátbiðja undirmenn Bandaríkjastjórnar um áframhaldandi landvarnir og setja fram undarlegar hugmyndir um vopnavæðingu landhelgisgæslunnar. Forysta Samfylkingarinnar – sem að mestu er skipuð er fólki sem gekk sig mörg ár upp að hnjám frá Keflavík til að mótmæla veru hersins – virðist vera að yfirbjóða núverandi yfirvöld í grátbeiðnum um áframhaldandi ónauðsynlega veru hér. Reyndar er forystan mjög margsaga og afar erfitt að átta sig á stefnu flokksins. Maður þakkar æðri máttarvöldum að málið kom ekki upp fyrir kosningar. Það hefði án efa haft skelfilegar afleiðingar. Nú er orðið deginum ljósara að Bandaríkjaher hyggst yfirgefa herstöðvar sínar á Miðnesheiði. Þetta eru sannkallaðar gleðifréttir í hugum flestra friðarsinna hér á landi sem beðið hafa þessa tíma í áraraðir. Við skulum þó ekki hrósa happi of snemma, því allt lítur út fyrir að stjórnvöld ætli sér að klóra duglega í bakkann; þau grátbiðja undirmenn Bandaríkjastjórnar um áframhaldandi landvarnir og setja fram undarlegar hugmyndir um vopnavæðingu landhelgisgæslunnar. Forysta Samfylkingarinnar – sem að mestu er skipuð er fólki sem gekk sig mörg ár upp að hnjám frá Keflavík til að mótmæla veru hersins – virðist vera að yfirbjóða núverandi yfirvöld í grátbeiðnum um áframhaldandi ónauðsynlega veru hér. Reyndar er forystan mjög margsaga og afar erfitt að átta sig á stefnu flokksins. Maður þakkar æðri máttarvöldum að málið kom ekki upp fyrir kosningar. Það hefði án efa haft skelfilegar afleiðingar.

Lögga eða landgöngulið?
Fáránlegar hugdettur hafa komið fram á síðustu dögum um hlutverk Landhelgisgæslunnar og skoðanir eru skiptar. Margir eru á því máli að tími sé kominn til að búa gæsluskip vopnum því dagar Íslands sem friðarþjóðar séu löngu taldir og engin ástæða til að hætta landvörnum ef Bandaríkjaher hyrfi á brott. En hvernig ætla yfirvöld að fjármagna þessar aðgerðir? Réttast væri að huga fyrr að íslenskri lögreglu sem þarf að líða fjársvelti enda allt of fámenn. Þorvaldur Gylfason benti á um daginn að gaman yrði að fylgjast með íslenskri þjóð búa til her þegar ekki tækist að halda uppi sómasamlegri löggæslu í miðbæ Reykjavíkur yfir heila helgi.

Hugmyndir um að leita varna á Norðurlöndunum eru oftar en ekki vanhugsaðar og óraunhæfar þegar til lengri tíma er litið. Íslendingar verða að gera sér grein fyrir því að það er ónauðsynlegt með öllu að hafa hér her á friðartímum. Byggja þarf upp stefnu sem leggur áherslu á fyrirbyggjandi pólitískar lausnir, samstarf á alþjóðavettvangi og inngöngu í Evrópusambandið.

Stakk þá af á mótorhjóli…
Hluti þjóðarinnar er þó ekki laus við tortryggni á friðarstefnu og margir telja sig öruggari undir verndarvæng Bandaríkjanna. En hversu máttugir eru Bandaríkjamenn í raun? Í þeim stríðum sem þeir hafa háð á síðustu árum hafa þeir aldrei náð settu takmarki, þ.e.a.s. að klófesta menn á borð við Osama bin Laden eða Saddam Hussein. Að maður tali nú ekki um Talibanapatríarkann Mullah Omar. Honum var steypt af stóli en náði að stinga Bandaríkjaher af á mótorhjóli til Pakistan og ekki hefur hann fundist í dag. Að maður tali nú ekki um brandarann með gereyðingarvopnin í Írak. Vill almenningur virkilega vera undir verndarvæng þessa stríðsþyrstu þjóðar?

Hvað finnst Ingibjörgu?
Ég get því ekki orða bundist yfir frammistöðu flokksforystunnar í þessu hermáli. Allt í einu þykir fráleitt að hafna risavopnum og erlendri herstöð á friðartímum. Það vekur líka athygli að Ingibjörg Sólrún hefur látið lítið fyrir sér fara í þessu máli og forvitnilegt væri að heyra hennar afstöðu.
Allavega hefur framganga forystunnar orðið til þess að margir kjósendur Samfylkingarinnar hafa orðið fyrir gífurlegum vonbrigðum og framganga hennar í þessu máli er flokknum ekki til sóma, það er klárt mál. Það er kannski kominn tími til að efla til nýrrar Keflavíkurgöngu?

Deila

Facebook
Twitter
Ungir jafnaðarmenn

Nýlegar færslur