UJR sendir páfa opið bréf vegna herferðar Páfagarðs gegn hjónaböndum samkynhneigðra

Ungir jafnaðarmenn í Reykjavík, ungliðahreyfing Samfylkingarinnar í Reykjavík, afhentu í dag fulltrúum kaþólsku kirkjunnar, opið bréf til páfa vegna yfirlýsingar sem hann samþykkti og Páfagarður sendi frá sér 31. júlí. Í yfirlýsingunni segir meðal annars: Ungir jafnaðarmenn í Reykjavík, ungliðahreyfing Samfylkingarinnar í Reykjavík, afhentu í dag fulltrúum kaþólsku kirkjunnar, opið bréf til páfa vegna yfirlýsingar sem hann samþykkti og Páfagarður sendi frá sér 31. júlí. Í yfirlýsingunni segir meðal annars:

„Það er alls engin ástæða til að líta svo á að sambönd samkynhneigðra séu á nokkurn hátt af sama tagi eða á nokkurn hátt hliðstæð þeirri skipan sem Guð hefur sett um hjónaband og fjölskyldu.“ „Hjónaband er heilagt en atferli samkynhneigðra gengur gegn siðalögmálum náttúrunnar.“ Þá bendir Páfagarður þeim kaþólsku stjórnmálamönnum sem styðja slík hjónabönd á að þeir séu að ýta undir mjög ósiðlegt athæfi.

Þar sem Ungir jafnaðarmenn í Reykjavík vilja að réttur samkynhneigðra verði sem jafnastur rétti gagnkynhneigðra hafa þeir sent páfa bréf og farið fram á að hann endurskoði afstöðu sína.

Meðal þess sem ungliðahreyfing Samfylkingarinnar í Reykjavík vill gera fyrir samkynhneigða er að:

*Tryggja að þau geti staðfest samvist sína þannig að þau fái öll sömu réttindi og gagnkynhneigðir einstaklingar sem eru í hjúskap.

*Tryggja samkynhneigðum pörum rétt til frumættleiðingar.

Hér að neðan er bréfið sem UJR sendi páfa, fyrst á íslensku, svo á ensku:

###################
Hans heilagleiki, Jóhannes Páll páfi annar.

Á undanförnum árum höfum við fylgst með störfum yðar úr fjarlægð og kunnað að meta margt sem þér beitið yður fyrir. Sérstaklega erum við ánægð með þá alúð og rækt sem þér leggið við að berjast fyrir friði í heiminum.

Um allan heim er litið upp til yðar og hlustað á orð yðar. Skoðanir yðar skipta því afar miklu máli. Þess vegna viljum við að þér íhugið vandlega afstöðu yðar til þess að tveir samkynhneigðir einstaklingar gangi að eigast.

Við teljum að samkynhneigðir sem unnast eigi að fá að festa ráð sitt. Við teljum eðlilegt að þeir fái að njóta allra þeirra réttinda og bera allar þær skyldur sem hjónabandi fylgja samkvæmt lögum í hverju landi. Í því felst jafnræði, mannvirðing og reisn.

F.h. stjórnar Ungra jafnaðarmanna í Reykjavík

Andrés Jónsson

###################
Your Holiness,

We have admired you and your work in the past. In particular your efforts to promote peace and understanding throughout the world.

People everywhere look up to you and listen to your opinions. Your message matters. We would therefore ask you to reconsider your opposition to legal homosexual unions.

We believe that homosexual persons who love each other should be allowed to come together in wedlock. We believe it is reasonable that they enjoy all the rights, and have all the obligations legally afforded married couples in each country. Equality, compassion and human dignity demand no less.

Reykjavik, August 4th 2003.
On behalf of Young Social Democrats in Reykjavik,

Andrés Jónsson
Chairman

Deila

Facebook
Twitter
Ungir jafnaðarmenn

Nýlegar færslur