Þrennt sem hræðir íhaldið

cookiemonster3LEIÐARI Núverandi ríkisstjórn er aflmikil vél sem gerir hvað hún getur til að stokka upp. En það er erfitt að snúa ryðguðu drifskafti stjórnsýslunnar.

cookiemonster3LEIÐARI Núverandi ríkisstjórn er aflmikil vél sem gerir hvað hún getur til að stokka upp. En það er erfitt að snúa ryðguðu drifskafti stjórnsýslunnar. S.l. tvo áratugi hefur Íhaldið komið fyrir valdakerfi undir valdasetu sinni sem byggir ekki bara á kúgun Alþingis og fortakslausu ráðherraræði heldur hafa fúlar valdastoðir verið reknar niður í stjórnsýsluna. Þá hefur atvinnulífið verið notað til að styðja við kosningamaskínur og til að tala niður samfélagsúrbætur.

Nú stendur Samfylkingin fyrir þremur ógnunum við þetta valdakerfi.

1. Endurnýjun stjórnarskrárinnar til lýðræðisáttar og nýju fólki hleypt að stefnumótun

2. Fjárhagsleg hagsmunatengsl þingmanna og ráðherra skulu gerð opinber

3. Setja íslensk stjórnmál í alþjóðlegt samhengi með inngöngu í ESB

Allt eru þetta grundvallarbreytingar í átt til aukins lýðræðis og allt skelfir þetta Íhaldið meira en nokkuð annað. Maður getu ekki annað en spurt sig hví?

Lýðræðið þykir þeim helst til dýrt í framkvæmd svo best væri að hafa minni lýðræðislega aðkomu fólks að kosningum og endurnýjun stjórnarskrárinnar. Það hefur gefist Sjálfstæðisflokknum vel að aðrir séu ekki með puttana í þeirra ákvörðunum.

Einna mest óttast þeir að tengsl þeirra við fyrirtæki verði gerð opinber og tekin saman á einum stað. Það kemur kannski ekki á óvart þegar litið er til vel flestra hneykslismála íslenskra viðskipta. Nefna má óheppilega aðkomu ýmissa Sjálfstæðismanna að setningu umdeildra skaðabótalaga sem hafa svipt fórnarlömb slysa réttindum meðan tryggingafélög þeirra hafa hagnast.

Loks er það málið sem aldrei mátti tala um, bara þykjast tala um: ESB. Það dylst engum að lífskjör almennings eru lakari vegna mikilla sveiflna krónunnar sem raunar telst vart gjaldgeng mynt úti í heimi. (Gengi hennar er t.d. ekki skráð af Seðlabanka Evrópu.) Það er ljóst að stjórnarhættir hér á landi færu undir smásjána í Brussel kæmi til umsóknar að ESB. Það skyldi þó ekki vera það sem stóð raunverulega í Sjálfstæðismönnum allan tímann? Að stjórnarhættir þeirra yrðu bornir upp við alþjóðlegar mælistikur.

Lýðræðisleg vinnubrögð og gagnsæi í stjórnsýslu eru uppáhalds verkfæri Samfylkingarinnar. Með þeim meitlum við nýja framtíð og höfum flutt íslenska stjórnsýslu skrefi nær 21. öldinni. Kjósendur Samfylkingarinnar eru stoltir af þeim miklu framförum sem þeir hafa stutt við og verða það áfram með framfarastjórn Samfylkingar að loknum kosningum.

Íhaldið gerir hvað það getur til að standa í vegi fyrir ýmsum umbótum á íslensku samfélagi. Ótti þeirra við breytingar kemur ekki til af engu.

Deila

Facebook
Twitter
Ungir jafnaðarmenn

Nýlegar færslur