Ómega

Sú sem þessi orð ritar er mikil áhugamanneskja um trúmál, þó án þess að vilja kenna sig sérstaklega við nein ákveðin trúarbrögð. Björk Guðmundsdóttir, öðru nafni ,,Íslandsvinurinn Bjork” lét hafa eftir sér um daginn að heimurinn væri betri staður ef trúarbrögð fyrirfyndust ekki, og virðist það vera útbreidd og vinsæl hugmynd í dag. Í fljótu bragði hljómar það nokkuð rökrétt. Sögulega séð er kristindómur blóðugasta trúarhreyfing allra tíma, og önnur á borð við til dæmis íslam og mörg fleiri eiga sér einnig að mörgu leyti blóði drifna og ógnvekjandi sögu. Þetta verður þó að teljast þversagnarkennt þar sem megininntak siðferðis þessarra trúarbragða ganga einmitt út á nágungakærleik og umburðarlyndi. Vitaskuld hafa flestir trúaðir einstaklingar þau atriði að leiðarljósi, en alltaf eru svartir sauðir inn á milli sem réttlæta illvirki með tilvísun í trúarbrögð, sem þó fordæma tilefnislaust ofbeldi. Það er algengur misskilningur að íslam sé í eðli sínu ofbeldistrú, en það er hún reyndar alls ekki. Sú sem þessi orð ritar er mikil áhugamanneskja um trúmál, þó án þess að vilja kenna sig sérstaklega við nein ákveðin trúarbrögð. Björk Guðmundsdóttir, öðru nafni ,,Íslandsvinurinn Bjork” lét hafa eftir sér um daginn að heimurinn væri betri staður ef trúarbrögð fyrirfyndust ekki, og virðist það vera útbreidd og vinsæl hugmynd í dag. Í fljótu bragði hljómar það nokkuð rökrétt. Sögulega séð er kristindómur blóðugasta trúarhreyfing allra tíma, og önnur á borð við til dæmis íslam og mörg fleiri eiga sér einnig að mörgu leyti blóði drifna og ógnvekjandi sögu. Þetta verður þó að teljast þversagnarkennt þar sem megininntak siðferðis þessarra trúarbragða ganga einmitt út á nágungakærleik og umburðarlyndi. Vitaskuld hafa flestir trúaðir einstaklingar þau atriði að leiðarljósi, en alltaf eru svartir sauðir inn á milli sem réttlæta illvirki með tilvísun í trúarbrögð, sem þó fordæma tilefnislaust ofbeldi. Það er algengur misskilningur að íslam sé í eðli sínu ofbeldistrú, en það er hún reyndar alls ekki. Hugtakið Jihad fjallar til dæmis í meginatriðum um ,,innri baráttu” og varnir gegn árásum á trúna, en ekki um árásir á saklausa borgara, sama hverrar trúar þeir kunna að vera. Öfgamenn hafa hins vegar tekið notað þetta hugtak til réttlætingar á ofbeldi sem flestir heittrúaðir múslimar fordæma og telja að stangist á við íslamska trú.

Ég leyfi mér að stórefast um að það sé rétt að trúarbrögðunum sé um allt það ofbeldi, sem hafa verið framin í þeirra nafni, að kenna. Illvirki hafa líka verið framin í nafni hugmyndafræði á borð við anarkisma, kommúnisma, þjóðernishyggju og fleira sem hafa lítið sem ekkert með trú að gera. Svo virðist sem þeir, sem á annað borð hafa tilhneigingu til að grípa til ofbeldis, hafi þörf fyrir að réttlæta það með tilvísun í eitthvað sem þeir hafa ákveðið að hljóti að vera alsannleikur. Ég gæti ekki tekið undir þær staðhæfingar að þjóðernishyggja og gyðingdómur væru ástæðan fyrir Helförinni, íslam væri ástæðan fyrir árásunum á Bandaríkin 11. september 2001, kristni væri ástæðan fyrir nornabrennunum á miðöldum og þar fram eftir götunum. Satt best að segja finnst mér það vera svipað því að kenna vopnunum um öll þau ofbeldisverk sem menn hafa framið.

Blessunarlega höfum við Íslendingar litla sem enga reynslu af ofbeldi í nafni trúarbragða og munum vonandi aldrei fá að kynnast slíku að nokkru marki. Kristindómur er útbreiddasta trúin hér, og flestir trúræknir einstaklingar hafa einmitt boðskap Jesú Krists að leiðarljósi, en eins og frægt er boðaði hann náungakærleik og umburðarlyndi, auk þess sem hann kom fram við konur á jafnréttisgrundvelli, sem var óvenjulegt á þeim tíma þegar hann var uppi.

Þrátt fyrir þetta er hér rekin kristileg sjónvarpsstöð sem leynt og ljóst boðar rasisma, kvenfyrirlitningu, hommahatur og almennt umburðarleysi. Eða ætli Jesús yrði ánægður með að horfa á Ómega og sjá Joyce Meyer halda því fram að aukið kynferðisofbeldi sé einfaldlega afleiðing þess að konur séu orðnar of kynferðislega frjálsar og klæði sig ekki siðsamlega? Eða Gunnar í Krossinum lofsyngja fyrrverandi samkynhneigt fólk sem gekk í Krossinn og losaði sig við ,,ókristilegar hneigðir” og halda því fram að allir sannkristnir menn séu hægrimenn? Eða fylgjast með zíonistum tala um að arabar séu ekki slæmir þá og því aðeins að þeir frelsist til kristinnar trúar? Ætli hann tæki undir orð áðurnefnds Gunnars í Krossinum þegar hann kallaði George Bush ,,bróður sinn alveg eins og Jesú”? Ætli Jesús myndi líka, eins og Bush, ráðast inn í fjarlæg lönd ef hann væri uppi nú á dögum? Litlu skárri er Ron Philipps, feiti ameríski gaurinn sem boðar öllum hófsemi; hann hefur oft komið inn á gildi þess að foreldrar agi börn sín með að berja þau. Sjálfur barði hann nefnilega oft börnin sín þegar þau voru að alast upp, enda ku þau vera nú sannkristnir þjóðfélagsþegnar. Og þegar þeim verður á í messunni nú á fullorðinsárunum fara þau til föður síns og segja: ,,Pabbi, þú barðir mig ekki nóg.”

Deila

Facebook
Twitter
Ungir jafnaðarmenn

Nýlegar færslur