Mótmælendur

Já mótmælendur hafa verið mikið í fréttum undanfarið. Sérstaklega þeir sem hafa haldið sig upp á Kárahnjúkum. Það er nú svo að einhverjar 40-50 hræður hafa greinilega ekkert betra að gera í sumar en að hanga þarna uppfrá og dunda sér við að skemma og eyða dýrmætum tíma þeirra sem hafa annað og betra að gera, þeirra sem eru að vinna vinnuna sína. Já mótmælendur hafa verið mikið í fréttum undanfarið. Sérstaklega þeir sem hafa haldið sig upp á Kárahnjúkum. Það er nú svo að einhverjar 40-50 hræður hafa greinilega ekkert betra að gera í sumar en að hanga þarna uppfrá og dunda sér við að skemma og eyða dýrmætum tíma þeirra sem hafa annað og betra að gera, þeirra sem eru að vinna vinnuna sína.

En hvernig er viðhorfið til mótmælendanna hérna fyrir austan? Ég hef ekki heyrt nokkurn mann segja: ,,Æ hvað þeir eru sniðugir þessir mótmælendur.” Nei, afstaðan hérna er sú að enginn nennir að hlusta á það sem þeir eru að reyna að segja okkur. Við Austfirðingar ættum að vera þau hæfustu til að meta þau áhrif sem þessar framkvæmdir, við Kárahnjúka annars vegar og við álverið í Reyðarfirði hins vegar, hafa á atvinnulífið og mannlífið í fjórðungnum. Við hlæjum því af þessu liði sem hlekkjar sig við vinnuvélar og eyðileggur annarra manna eigur. Við munum brosa þegar þetta fólk verður dregið til ábyrgðar fyrir það. Í fyrstu fóru mótmælin friðsamlega fram og var það vel, en fólk sem stendur fyrir skemmdarverkum á eigum annarra ætti að halda sig heima hjá sér. Fyrir utan það, að þá eru þau áhrif sem þegar eru orðin við virkjanaframkvæmdirnar þegar óafturkræfar.

Sem Austfriðingur er ég mjög ánægður með þær framkvæmdir sem hafa verið í gangi hérna. Til marks um þau áhrif sem virkjunin hefur haft eru t.d. tölur frá Flugfélagi Íslands um aukningu á farþegafjölda á milli Reykjavíkur og Egilsstaða en aukningin á þremur árum er yfir 100%. Á áætlun milli þessarra staða eru nú rúmlega fimm vélar á dag að meðaltali í sumar. Beint flug til Kaupmannahafnar einu sinni í viku á vegur Aurela Air kom einnig til vegna framkvæmdanna og verður vonandi áfram á meðan á þeim stendur.

Fasteignaverð á Mið-Austurlandi hefur einnig hækkað. Húsasmiðir hafa ekki undan að byggja ný hverfi á Egilsstöðum, lóðum var úthlutað á Reyðarfirði til byggingar íbúða í fyrsta sinn í fjölda ára og Reyðarfjörður hefur hlotið nýtt hlutverk sem blómstrandi staður á Mið-Austurlandi. Með tilkomu jarðgangna til Fáskrúðsfjarðar fóru brottfluttir Fáskrúðsfirðingar að snúa heim aftur.

Ég mæli því með því að þessir blessuðu mótmælendur finni sér eitthvað annað að gera en að mótmæla einhverju sem þegar er orðið. Meirihluti fólks hér á landi er sátt við framkvæmdirnar og all flestir Austfirðingar líta á þær sem upphaf á nýju tímabili í sögu fjórðungsins – skref til framtíðar.

Deila

Facebook
Twitter
Ungir jafnaðarmenn

Nýlegar færslur