Kertafleyting – Hirosima og Nagasaki

Íslenskar friðarhreyfingar standa að kertafleytingu á Reykjavíkurtjörn og á Akureyri fimmtudaginn 9.ágúst nk. kl. 22:30.

Fréttatilkynning frá Samstarfshópi friðarhreyfinga

Íslenskar friðarhreyfingar standa að kertafleytingu á Reykjavíkurtjörn og á Akureyri fimmtudaginn 9.ágúst næstkomandi kl. 22:30.

Athöfnin er í minningu fórnarlamba kjarnorkuárásanna á japönsku borgirnar Hirosima og Nagasaki og lögð er áhersla á kröfuna um friðsaman og kjarnorkuvopnalausan heim.

Nú eru liðin sextíu og tvö ár frá kjarnorkuárásunum á Hírósíma og Nagasakí en þær voru 6. og 9.ágúst 1945.  Þetta er í tuttugasta og þriðja skiptið sem kertum er fleytt á Tjörninni í Reykjavík af þessu tilefni. Safnast verður saman við Suðvesturbakka Tjarnarinnar (við Skothúsveg) klukkan 22:30 en þar mun Gunnar Hersveinn heimspekingur flytja stutt ávarp áður en kertunum verður fleytt. Fundarstjóri verður Heiða Eiríksdóttir tónlistarmaður

Að venju verða flotkerti og friðarmerki seld á staðnum.

Á sama tíma verður einnig kertafleyting á Akureyri.

Samstarfshópur friðarhreyfinga:
– Félag leikskólakennara.
– Friðar og mannréttindahópur BSRB
– Friðar og mannréttindanefnd Æskulýðssambands þjóðkirkjunnar
– Menningar og friðarsamtök íslenskra kvenna
– Samtök hernaðarandstæðinga
– SGI á Íslandi (Friðarhópur búddista)

Deila

Facebook
Twitter
Ungir jafnaðarmenn

Nýlegar færslur