Hverjir eiga 230.503.421 krónu?

Ég rekst á margt þegar ég er að skoða hluti á netinu og eitt af því sem ég sá um daginn er að fjölmargir virðast ekki hafa innleyst spariskírteini sem fallin eru í gjalddaga. Þannig taldist mér til, fljótt á litið, að samtals hefðu ríflega 230,5 milljónir króna verið gjaldfallnar 31. janúar síðastliðinn í 77 flokkum spariskírteina frá árunum 1964-1995. Sum skírteinanna hafa gjalddaga árið 1975, og hafa því ekki borið vexti í tæp 30 ár, en sem kunnugt er bera spariskírteini ekki vexti eftir gjalddaga. Það er því ljóst að fólk, félög, sjóðir og fyrirtæki víða um land lúra á töluverðum verðmætum sem gætu nýst þeim til þarfra hluta – eða gætu að minnsta kosti skilað þeim vaxtatekjum. Ég rekst á margt þegar ég er að skoða hluti á netinu og eitt af því sem ég sá um daginn er að fjölmargir virðast ekki hafa innleyst spariskírteini sem fallin eru í gjalddaga. Þannig taldist mér til, fljótt á litið, að samtals hefðu ríflega 230,5 milljónir króna verið gjaldfallnar 31. janúar síðastliðinn í 77 flokkum spariskírteina frá árunum 1964-1995. Sum skírteinanna hafa gjalddaga árið 1975, og hafa því ekki borið vexti í tæp 30 ár, en sem kunnugt er bera spariskírteini ekki vexti eftir gjalddaga. Það er því ljóst að fólk, félög, sjóðir og fyrirtæki víða um land lúra á töluverðum verðmætum sem gætu nýst þeim til þarfra hluta – eða gætu að minnsta kosti skilað þeim vaxtatekjum.

Leynast spariskírteini í kommóðuskúffu?
Kannski einhver hafi gleymt að innleysa spariskírteini sem hann fékk í skírnar-, fermingar- eða stúdentsgjöf? Kannski afi gamli hafi gleymt því að hann á spariskírteini í bankahólfinu sínu? Kannski gerir amma sér ekki grein fyrir því að spariskírteini bera ekki vexti eftir gjalddaga og telur sig enn vera að fá arð af fjárfestingu sinni? Kannski hafa erfingjar ekki leitað nógu vel í hirslum arfleiðanda – og hreinlega ekki fundið spariskírteinin ennþá? Kannski hefur gleymst að innheimta vexti og verðbætur af spariskírteini sem einhver hinna fjölmörgu sjóða sem starfræktir eru á Íslandi hefur keypt til að ávaxta pund sitt?

Leitum af okkur allan grun
Að minnsta kosti hvet ég alla, sem hafa minnstu ástæðu til að ætla að gleymst hafi að innleysa spariskírteini, til að leita af sér allan grun. Vel má vera að afrakstur leitarinnar verði dulítil peningaupphæð, sem vafalaust kemur í góðar þarfir. Spurningin er bara: Hverjir eiga 230.503.421 krónu?

Deila

Facebook
Twitter
Ungir jafnaðarmenn

Nýlegar færslur